ഹൃദയരേഖ മുറിഞ്ഞപ്പോള്‍

ഹൃദയത്തില്‍ വരയപ്പെട്ട..

 ചുവന്ന  വരകള്‍ ..

നെടുകെയും കുറുകെയും..

ചോര കിനിയുന്നുണ്ട്,  ഇപ്പോഴും .

ഹൃദയരേഖ മുറിഞ്ഞ്‌

 പ്രണയം തേങ്ങുന്നു  

ബലിക്കാക്കകള്‍ 

ആയുര്‍ രേഖയില്‍ കൊത്തിവലിക്കുകയാണ്.

ആയുസ്സെത്താത്ത പ്രണയം 

തണുത്ത നിലത്തു കിടന്നു 

വിറക്കുന്നു .

ആത്മാവിന്റെ മരത്തില്‍ നിന്നും 

പ്രണയത്തിനു മീതെ 

ഒരില കൊഴിഞ്ഞു വീണു.

വിറയ്ക്കുന്ന പ്രണയത്തെ 

ഉറയുന്ന തണുപ്പില്‍ നിന്ന് രക്ഷിക്കാന്‍ 

അതിനാവില്ല.

പ്രണയം ..

ആയുസ്സെത്താതെ.. 

വിറച്ച്.. വിറച്ച് .....!