ദാരിക വധം കഴിഞ്ഞു ,
ദേവി, ശാന്തയായ്
മേലാകെ ചന്ദനം ചാര്ത്തി
ശുദ്ധയായ് ..
സുഗന്ധയായ് ..
അദൃശ്യ മേദസായ് രമിക്കുന്നസുരര്
ചേതസ്സിരുട്ടില് കൊരുത്തിട്ട ജന്മങ്ങള്
വെളിച്ചം വിഴുങ്ങും ..
നിശാചാര സങ്കീര്ത്തനങ്ങള്
സൃഷ്ടികള് തൃഷ്ണാ ശമനം
പിന്നെയോ, ബ്രഹ്മാവിന് സന്താപം
നൈരാശ്യ സങ്കീര്ത്തനം പാടി
തപം ചെയ്വൂ ,ശിവം ബ്രഹ്മം
അശാന്ത ചേതസ്സിന്
വ്യഥയുമായ് ദേവകള്
മൂര്ത്തികള് തേടുന്നു
പെണ്കരുത്തിന് ദാര്ഷ്ട്യം
പെണ്ണാത്മാവിന്റെ
കെട്ടടങ്ങാത്ത അഗ്നി .
മുടിയഴിച്ച് ,കൂകിയാര്ത്തു
വന്നു ദേവി
കടുംകര്മ്മത്തിന്, വജ്രായുധം കയ്യില്.
കൈ വിട്ട രോഷം ,സംഹാര രൌദ്രം
അഴിച്ചിട്ട മുടിയില് ഇരുട്ടിന് സമുദ്രം
പിഴച്ച വഴികളുടെ
തീ പിടിച്ച ശിരസ്സുകള്
അരുത്തെടുത്തവള്..!
രൌദ്രച്ചുഴലി പേടിച്ച്
മുടിയേറ്റാടുന്നു ദേവകള്
ശാന്തി പാടുന്നു മൂര്ത്തികള്
ദേവിയുടെ കണ്ണിലൊരു
ഇടിമിന്നല് ചിരി ,പിന്നെ
ചിരസുകൃതമായോരമ്മ മുഖം
ദേവി..
ശാന്തയായ്
ശാന്തയായ്
മേലാകെ ചന്ദനം ചാര്ത്തി
ശുദ്ധയായ് ,സുഗന്ധയായ്
..
..
ഇനി
ദേവകള്ക്കു ശാന്തി..!!
സൃഷ്ടികള് തൃഷ്ണാ ശമനം
ReplyDeleteപിന്നെയോ, ബ്രഹ്മാവിന് സന്താപം!
ശാന്തി..!!
ReplyDeleteഇനി
ReplyDeleteദേവകള്ക്കു ശാന്തി..!!